Нахустсанҷиш барои бозиҳои ҷавонони Осиё

Душанбе, 18 май. ( АМИТ «Ховар», Аловиддин Бӯриев).- Дар доираи омодагӣ ба бозиҳои интихобии ҷавонони Осиё (U-22), ки моҳи июн дар Малайзия бо ширкати дастаҳои Баҳрайн, Эрон, Қатар, Кувайт ва Малдив дар гурӯҳи “С” мегузаранд, дастаи мунтахаби ҷавонони кишвар дар шаҳри Қӯрғонтеппа бозии санҷишии худро бо дастаи мунтахаби вилояти Хатлон , ки аз футболбозони дастаҳои “Вахш”, “Равшан” ва “Ҳосилот” таркиб ёфта буд, бо натиҷаи 1 бар 1 мусовӣ ҷамъбаст кард. Аввал Ҷӯрахон Азизов (Хатлон) дар дақиқаи 55 ва баъдан Ҷаҳонгир Шодиев( ҷавонон) дар дақиқаи 75-ум гол заданд. Сармураббии даста Салоҳиддин Ғафуров ҳамаи бозингаронеро, ки ба урдугоҳ даъват шудаанд, дар ҷарёни вохӯрӣ аз санҷиш гузаронд.