Намоишгоҳи байналмилалӣ дар Душанбе
Душанбе, 23 май. (АМИТ «Ховар», Покиза Маҳмадбекова). – Аз 7 то 9 июни соли равон дар шаҳри Душанбе Намоишгоҳ — ярмаркаи 6 – уми байналмилалии саноати сабук — «ИнтерЛегПром — 2012» баргузор мегардад. Тавре аз Палатаи савдо ва саноати ҷумҳурӣ ба АМИТ «Ховар» хабар доданд, намоишгоҳро ПСС Ҷумҳурии Тоҷикистон бо дастгири Ҳукумати ҶТ ва Вазорати энергетика ва саноати Тоҷикистон доир менамояд.Дар намоишгоҳ матои гуногун, қолинҳо, рӯмолҳои шол, рахти хоб, парда ва маҳсулоти гуногун, ҳамчунин технология ва таҷҳизоти мавриди зарурати корҳонаҳои саноати нассоҷӣ ва сабук ба маърази намоиш гузошта мешаванд.