Номаҳои табрикии Эмомалӣ Раҳмон ба сарони кишварҳои узви ИДМ

Душанбе, 8 май. (АМИТ «Ховар»). – Президенти Ҷумҳурии Тоҷикистон Эмомалӣ Раҳмон ба муносибати 67 – умин солгарди Ғалаба дар Ҷанги Бузурги Ватанӣ ба унвони сарони кишварҳои узви Иттиҳоди Давлатҳои Мустақил номаҳои табрикӣ ирсол намуд. Дар навбати худ Президенти кишвар Эмомалӣ Раҳмон, собиқадорони ҷанг ва мардуми Тоҷикистонро Президенти Федератсияи Русия Владимир Путин, Президенти Ҷумҳурии Белорус Александр Лукашенко, Президенти Украина Виктор Янукович, Президенти Туркманистон Қурбонқулӣ Бердимуҳаммадов ва Президенти Ӯзбекистон Ислом Каримов бо ҷашни Ғалаба табрик намуданд.Ирсоли номаҳои табрикӣ ба унвони Сарвари давлат Эмомалӣ Раҳмон идома дорад. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.