Озмуни Бонки миллии Тоҷикистон
Душанбе, 7 май. (АМИТ «Ховар», Покиза Маҳмадбекова). – Бонки миллии Тоҷикистон барои хатмкунандагон ва толибилмони синфҳои 11 – уми мактабҳои таҳсилоти миёнаи ҷумҳурӣ озмун эълон мекунад.Тавре роҳбари дафтари матбуоти Дастгоҳи роҳбарияти бонк Абдуғаффор Қурбонов ба АМИТ «Ховар» хабар дод, мақсад аз гузаронидани ин озмун интихоби номзади беҳтарин (як нафар) барои давом додани таҳсил дар Донишгоҳи миллии тадқиқоти ядроии шаҳри Маскави Федератсияи Русия мебошад. Номзад бояд дар бахшҳои забони русӣ, риёзӣ ва физика донишҳои хуб дошта бошад. Номзади лоиқи талабҳои озмун мутобиқи тартиби муқарраршуда ба соли аввали донишгоҳи зикршуда аз рӯи ихтисоси «Амнияти иттилоотии сохторҳои молиявию иқтисодӣ» қабул карда мешавад. Ғолиби озмун бо хобгоҳ ва идрорпулӣ таъмин гардида, баъди хатми таҳсил барои иҷрои кор дар Бонки миллии Тоҷикистон қабул карда мешавад.Мувофиқи суханони манбаъ, ҳуҷҷатҳо барои иштирок дар озмун то 11 май қабул гардида, натиҷаи он 17 май ҷамъбаст карда мешавад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
