«Панҷшер» дар хизмати мардум

Файзобод, 16 май. (АМИТ «Ховар», Зебо Давлатова). – Соҳибкор Киромиддин Насриддинов, сокини деҳоти Бӯстони ноҳияи Файзобод дар даромадгоҳи шоҳроҳи Ваҳдат – Файзобод як нуқтаи нави хизматрасониро ба истифода дод. Ин нуқтаи хизматрасонӣ дорои бинои хубу замонавии 2- ошёна буда, ошхонаи «Панҷшер» дар ошёнаи якуми он қарор дорад.Киромиддин Насриддинов афзуд, ки то охири соли 2012 дар қабати дуюм сехи дӯзандагӣ, ҳаммоми замонавӣ ва меҳмонхонаи бо таҷҳизоти замонавӣ муҷаҳҳаз мавриди истифода қарор гирифта, беш аз 50 нафар сокини ҷамоати деҳоти Бӯстон соҳиби ҷойи нави корӣ мегарданд.