«Пегас» -и Суғд дар Ҷиргатол

Ҷиргатол, 16 май. (АМИТ «Ховар», Зебо Давлатова). – Соҳаи картошкапарварӣ барои хоҷагидорони ноҳияи Ҷиргатол соҳаи асосист. Аз гуфтаи муовини раиси ноҳияи Ҷиргатол доир ба кишоварзӣ Ато Ҷӯрабеков маълум гардид, ки соли ҷорӣ кишоварзони ноҳия босамар меҳнат карда, дар хоҷагии деҳқонии «Пункти такягоҳ» — дар майдони 60 гектар замин картошка кишт намудаанд. Ато Ҷӯрабеков афзуд, ки 180 тонна картошкаи навъи «Пегас» аз вилояти Суғд ба ноҳия ворид карда шуд. Картошкапарварони ноҳия азм доранд, ки имсол 73000 тонна картошка истеҳсол намоянд.