Пирӯзии тими футзали Тоҷикистон
Душанбе, 23 май. ( АМИТ «Ховар», Аловиддин Бӯриев).- Дар доираи омодагӣ ба чемпионати Осиё дар Амороти Муттаҳидаи Араб тими мунтахаби футзали Тоҷикистон бо дастаи «Дубай полис клаб» бозии санҷишӣ барпо карда, бо натиҷаи 6 бар 1 дастболо гардид. Дар ин дидор бозингари дастаи «Хайр» Алишер Ӯлмасов ба дарвозаи ҳариф се гол зада, хет-трик кард. Шерзод Ҷумъаев муаллифи ду гол шуд.Сармураббии даста Дамир Камолиддинов аз бозии пешинаи даста, ки бо бохт аз дастаи мунтахаби Амороти Муттаҳида бо натиҷаи 4 бар 0 ҷамъбаст шуда буд, хулосаи дуруст бароварда, дар хати дифоъ навгониҳо ворид кард. Мутаассифона, дар ин вохӯрӣ Обид Исмоилов ҷароҳат бардошт ва дар бозиҳои оянда дар ҳайати даста бозӣ нахоҳад кард. Вохӯрии ояндаи таҷрибавӣ бо дастаи Куриёи Ҷанубӣ бино ба сабаби ба Дубай дер омадани футболбозони куриёӣ барпо нахоҳад шуд. Ҳамин тавр, дастаи мунтахаби футзали мамлакат баъди анҷоми урдугоҳ дар шаҳри Дубай мустақиман вориди бозиҳои чемпионати Осиё мешавад ва дар гурӯҳи «В» бо дастаҳои Тайван (25май), Ҷопон (26 май) ва Лубнон (27 май) қувва меозмояд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
