Роҳҳои пешгирии ҷинояти ноболиғон

Суғд, 7 май. (АМИТ «Ховар», Мирзалӣ Амонов).-Дар мулоқоти кормандони раёсати корҳои дохилии вилояти Суғд, шӯъбаи корҳои дохилии шаҳри Хуҷанд бо муаллимони мактабҳо ва падару модарон дар гимназияи рақами 24 вазъи ҷинояти ноболиғон дар шаҳри Хуҷанд баррасӣ шуд ва таъкид гардид, ки гарчанде ҷиноят дар байни ноболиғон тамоюли пастравӣ дорад ва нисбат ба 3 моҳи давраи соли гузашта имсол аз 58 то 39 адад кам шудааст, вале ин ҳолат боиси хотирҷамъӣ шуда наметавонад Дар мулоқоти озоду ошкорои байни хонандагони 5 мактаби шаҳр ҳолатҳои ба қонуншиканӣ даст задани ноболиғон, роҳҳои пешгирии ҷинояткорӣ, шомил нашудан ба ҳизбу ҳаракатҳои мамнӯъ, сабаб ва омилҳои даст ба ҷиноят задани наврасон, нуқтаҳои муҳими қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» мавриди гуфтугӯ ва табодули назар қарор гирифтанд.