Рушди ҳамкории Тоҷикистон ва Чин

Май 7, 2012 16:20

Душанбе, 7 май. (АМИТ «Ховар», Лутфия Эшонқулова). – «Чин ҷонибдори рушди иҷтимоию иқтисодии Тоҷикистон аст. Аз ҷониби ҶМЧ дастгирӣ шудани татбиқи як қатор лоиҳаҳои калоне, ки дар рушди иқтисодиёти миллии Тоҷикистон мақоми муҳими стратегӣ доранд, далели ин аст», — гуфт сафири ҶМЧ дар ҶТ Фан Сянжун дар ҷаласа аз рӯи масъалаҳои танзими раванди муҳоҷирати меҳнатӣ.Дипломати Чин изҳор намуд, ки ба ҳалли проблемаҳои мавҷудаи ҳар ду кишвар дар бахши муҳоҷирати меҳнатӣ омода аст.Дар муҳокимаи масъалаҳои муҳим намояндагони Хадамоти муҳоҷирати назди Ҳукумати ҶТ, Прокурори генералии ҶТ, Вазорати корҳои хориҷии ҶТ, Вазорати корҳои дохилии ҶТ, Хадамоти андоз ва гумруки ҶТ иштирок доштанд. Аз ҷониби Ҷумҳурии Мардумии Чин намояндагони сафорати ҶМЧ дар Душанбе, Ассотсиатсияи муҳоҷирони Чин дар ҶТ ва роҳбарони корхонаҳои асосии давлатӣ ва ширкатҳои инфиродии Чин, ки дар Тоҷикистон фаъолият доранд, ҳамчунин намояндагони дигари аҳли тиҷорати Чин ширкат намуданд. Дар ҷаласа Сафиалло Девонаев ба доираи васеи масъалаҳо ҷиҳати ҳалли муносибатҳои дуҷониба дар бахши муҳоҷирати меҳнатӣ дахл кард.Ба масъалаҳои фаъолияти қонунии муҳоҷирони меҳнатии хориҷӣ дар Тоҷикистон таваҷҷӯҳи хоса дода шуд. Нотиқон зикр намуданд, ки бояд барои ҳалли масъалаҳои муҳоҷират ҳамаи захираҳо истифода шаванд. Сафиалло Девонаев қайд кард, ки Хадамоти муҳоҷирати ҶТ омода аст, дар амри ба расмият даровардани ҳуҷҷатҳои зарурӣ ҷиҳати дар Тоҷикистон бо кор таъмин намудани шаҳрвандони ҶМЧ мадад расонад.Мавсуф, аз ҷумла, хотирнишон сохт, ки дар назди Хадамоти муҳоҷирати ҶТ барои муҳоҷирони меҳнатӣ телефони боварӣ мавҷуд аст, ки дар ҳар вақти шабонарӯз метавон ба он муроҷиат намуд.

Май 7, 2012 16:20

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд