Сӯҳбати Ю.Федотов бо намояндагони ВАО

Май 31, 2012 16:09

Душанбе, 31 май. (АМИТ «Ховар», Дилшодаи Хайрулло). – Имрӯз Президенти Ҷумҳурии Тоҷикистон муовини Дабири кулли СММ, Директори иҷроияи Раёсати СММ оид ба маводи нашъаовар ва ҷинояткорӣ Юрий Федотовро ба ҳузур пазируфт. Дар ҷараёни мулоқот масъалаҳои ҳамкории дуҷонибаи Ҷумҳурии Тоҷикистон ва раёсати СММ дар бахши муборизаи зидди қочоқи маводи нашъаовар ва таҳдиду хатарҳои дигар ба ҷаҳони муосир мавриди муҳокима қарор гирифтанд.Юрий Федотов зимни сӯҳбат бо журналистон аз рӯи натиҷаи мулоқот бо Президенти ҶТ Э.Раҳмон зикр намуд, ки «сӯҳбат бо Президент ба масъалаҳои муборизаи зидди гардиши ғайриқонунии маводи нашъаовар дар минтақа, ки тавассути сарҳади Афғонистон ворид мегардад, бахшида шуда буд». Мавсуф ҳамчунин гуфт, ки «Президенти ҶТ Э.Раҳмон бархе пешниҳодоти мушаххасро иброз дошт, ки бояд аз ҷониби СММ ба таври фаъолонаю самарабахштар дастгирӣ шудани саъю кӯшишҳои Тоҷикистонро дар муборизаи зидди гардиши ғайриқонунии маводи нашъаовар таъмин намоянд».Мувофиқи суханони Ю.Федотов, ҳамаи ин пешниҳодот мавриди таҳлил қарор гирифта ва дар ҳошияи барномаи СММ дар Тоҷикистон амалӣ мегарданд. Юрий Федотов ҳамчунин мақоми муҳими Агентии назорати маводи нашъаовари назди Президенти Ҷумҳурии Тоҷикистонро, ки бо дастгирии мустақими Раёсати СММ оид ба маводи нашъаовар ва ҷинояткорӣ ташкил ёфта буд, қайд намуд. Мувофиқи суханони ӯ, «алҳол Агентии мазкур хадамоти баландихтисосест, ки метавонад аз самараи фаъолияти худ фахр кунад».

Май 31, 2012 16:09

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд