Садамаҳои нақлиётӣ коҳиш ёфтаанд

Душанбе, 14 май. (АМИТ «Ховар», Лаззат Диловарзод).-Тибқи иттилои сардори дафтари матбуоти Раёсати автомобили шаҳри Душанбе, полковники милитсия Шерафган Латипов, дар давоми моҳҳои январ-апрели соли 2012 дар қаламрави ҷумҳурӣ бар асари 346 садамаи нақлиётӣ 378 нафар одамони синну соли гуногун ҷароҳат бардошта, 10 нафар ба ҳалокат расидааст.Ҳамчунин ҳангоми аз ҷониби пиёдагардон вайрон намудани қоидаи ҳаракат дар роҳ 13 ноболиғ ҷони худро аз даст дода, 76 нафари дигар ҷароҳатҳои гуногун бардоштаанд.Ба иттилои манбаъ, дар муқоиса ба 4 моҳи аввали соли 2011 шумораи садамаҳои нақлиётӣ 44 фоиз коҳиш ёфта, шумораи ба ҳалокатрасидагон 33 нафар камтар шудааст.