Семинари ҳифзи иҷтимоии аҳолӣ

Хуҷанд, 7 май. (АМИТ «Ховар», Мирзалӣ Амонов).-Бо иштироки роҳбарияти Вазорати меҳнат ва ҳифзи иҷтимоии аҳолии ҷумҳурӣ, роҳбарони идораву ташкилотҳои зертобеи он дар вилоят ва шаҳру ноҳияҳо, инчунин масъулини муассисаҳои таъминоти иҷтимоӣ дар шаҳри Хуҷанд семинари омӯзишию амалии ҳифзи иҷтимоии аҳолӣ баргузор гардид.Дар семинар омӯзиш ва ҷорӣ кардани шаклу усулҳои муосири коргузорӣ ҷиҳати пешбурди ҳифзи иҷтимоии аҳолӣ аз ҷониби роҳбарону мутахассисони соҳа, самтҳои афзалиятноки фаъолияти минбаъда дар бобати баланд бардоштани сатҳу сифати хизматрасонӣ ба аҳолӣ мавриди баррасӣ қарор гирифт.