Семинари миллӣ «Дар роҳи иқтисоди сабз»

Душанбе, 10 май. (АМИТ «Ховар», Лаззат Диловарзод).- Рӯзи 8-уми майи соли ҷорӣ дар «Кохи Ваҳдат» дар доираи омодагӣ ба конфронси СММ доир ба рушди устувор (Рио+ 20), ки моҳи июни соли ҷорӣ дар шаҳри Рио-де- Жанейрои Бразилия баргузор мегардад, семинари миллӣ дар мавзӯи: «Дар роҳи иқтисоди сабз» доир гардид.  19-20 –уми октябри соли 2011 дар шаҳри Душанбе дар конфронс доир ба рушди устувор (Рио+20), ки ба масъалаи ҳамкорӣ дар соҳаи об бахшида шуда буд, намояндагони 140 кишвар ва ташкилоту идораҳои давлатӣ ва ғайридавлатӣ иштирок намуданд. Ҷумҳурии Тоҷикистон дар доираи баргузории конфронси байналмилалӣ, ки тибқи қарори Маҷмаи Кулли СММ, ки моҳи июни соли 2012 дар шаҳри Рио-ди-Жанейро бо иштироки 20 давлати дунё баргузор мегардад, ҷаласаи махсусро ҷиҳати пешбурди сиёсати обию энергетикии кишвар ва ташвиқу тарғиби захираҳои бои гидроэнергетикии кишвар доир намуд.Дар кори семинари миллӣ муовини аввали вазири мелиоратсия ва захираҳои оби ҷумҳурӣ Султон Раҳимов, намояндаи дастгоҳи иҷроияи Президент, ҳамоҳангсози доимии Барномаи рушди СММ дар Тоҷикистон А.В. Зуев ва намояндагони дигар вазорату идораҳои ҷумҳурӣ ва коршиносон ширкат варзиданд. Семинр лоиҳаи шарҳи миллии иқтисоди «сабз» дар Тоҷикистонро, ки аз ҷониби гурӯҳи корӣ ба конфронси байналмилалии СММ (Рио+20) бахшида шудааст, пешниҳод намуд. Дар кори семинар коршиносони экологӣ, иқтисодӣ ва иҷтимо сухан гуфта, андешаҳои худро доир ба рушди устувор ва паст кардани сатҳи камбизоатӣ тавассути иқтисоди «сабз» баён намуданд.