Ситодро муовини аввали раис роҳбарӣ менамояд

Душанбе, 14 май.(АМИТ «Ховар», Марзия Саидова).- Шурўъ аз моҳи май дар пойтахт ҷаласаҳои ситоди шаҳрӣ доир ба омодагӣ ба мавсими тирамоҳу зимистони солҳои 2012-2013 оғоз меёбад. Ситоди мазкур тибқи қарори марбутаи Маҷлиси вакилони халқи шаҳри Душанбе созмон дода шуда, ба ҳайати он муовинони раиси шаҳр, раисони чор ноҳияи пойтахт, сардорони сохторҳои гуногуни марбутаи шаҳрӣ шомил буда, Насрулло Хайруллоев, муовини аввали раиси шаҳри Душанбе роҳбарии ситодро ба ўҳда дорад. Инчунин аз 15 сентябр то 15 ноябр ҷаласаҳои ситод ду маротиба дар як ҳафта гузаронида шуда, дар ҷаласаҳои сайёри он роҳбарону намояндагони вазорату идораҳои марбута низ ширкат менамоянд. Ҳамзамон дар асоси қарори Маҷлиси вакилони халқи шаҳри Душанбе нақшаи чорабиниҳои омодасозии корхонаю муассисаҳои муҳандисии ҳаётан муҳими пойтахт ба мавсими тирамоҳу зимистони солҳои 2012-2013 таҳия шудааст.