Сохтмони нақби «Чормағзак» вусъат меёбад

Душанбе, 29 май. (АМИТ «Ховар», Кристина Эрлих). – Дар сохтмони нақби «Чормағзак» бояд боз масофаи 1 ҳазору 600 метр пармакорӣ шавад. Аз оғози татбиқи лоиҳаи ин сохтмон масофаи 2 ҳазору 780 метр пармакорӣ ва 2 ҳазору 390 метр бетонрезӣ шудааст. Тавре аз Маркази татбиқи лоиҳаи таҷдиди роҳи мошингарди «Душанбе — Чаноқ» — и Вазорати нақлиёти ҶТ хабар доданд, дар ин рӯзҳо бинокорон суръати корро хеле баланд бардоштаанд.Қобили зикр аст, ки баъди ба истифода додани нақби «Чормағзак» масофаи роҳи мошингарди Душанбе – Ваҳдат — Кӯлоб нисбат ба масофаи роҳи мошингарди Душанбе — Қӯрғонтеппа — Кӯлоб баробари 100 километр кӯтоҳ мешавад. Мувофиқи лоиҳа масофаи умумии ин нақб 4 ҳазору 330 метрро ташкил медиҳад. Лоиҳаи мазкур аз ҳисоби маблағҳои Ҳукумати Чин амалӣ мешавад.