Созишномаи мудофиаи зиддиҳавоӣ тасдиқ шуд
Душанбе, 11 май.(АМИТ «Ховар», Марзия Саидова).- Созишнома дар бораи ташкили фаъолияти навбатдории нерўҳои давлатҳои аъзои Иттиҳоди Давлатҳои Мустақил /ИДМ/ доир ба мудофиаи зиддиҳавоӣ ҳангоми гирифтани иттилоот дар бораи ғасби (рабудани) ҳавопайморо 11 майи соли 2012 палатаи поёнии парлумони Тоҷикистон-Маҷлиси намояндагон тасдиқ намуд. Ҳуҷҷати мазкур 3 сентябри соли 2011 дар шаҳри Душанбе ба имзо расида, аз муқаддима ва даҳ модда иборат аст. Сўҳроб Маҳмадов, муовини вазири мудофиаи ҷумҳурӣ зимни тавзеҳи санади мазкур гуфт: созишнома бо мақсади таъмини бехатарӣ, истифодаи фазои ҳавоӣ, мухолифат бо терроризм ва таъмини роҳҳои ягона дар ташкили фаъолияти навбатдории нерўҳои давлатҳои аъзои ИДМ доир ба мудофиаи зиддиҳавоӣ ҳангоми гирифтани иттилоот дар бораи ғасби воситаҳои нақлиёти ҳавоӣ қабул шудааст. Он барои мақомоти салоҳиятдори Ҷумҳурии Тоҷикистон дар якҷоягӣ бо мақомоти салоҳиятдори кишварҳои ИДМ барои муайян намудани тартиби фаъолият ҳангоми таҳдиди хатари содиршавии амали террористӣ дар фазои ҳавоӣ асоси ҳуқуқӣ фароҳам меорад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
