Тӯҳфаи президент ба «Равшан»- и Кӯлоб

Душанбе,21 май. ( АМИТ «Ховар», Аловиддин Бӯриев).- Президенти мамлакат Эмомалӣ Раҳмон ба тими футболи «Равшан»-и Кӯлоб автобуси хидматӣ тӯҳфа кард. Тавре ки Акрам Ҳусейнов, директори фаннии клуб изҳор доштааст: «президенти кишвар соли гузашта дар як сафараш ба шаҳри Кӯлоб ваъда карда буд, ки ба дастаи футбол автобус тӯҳфа хоҳад кард. Хушбахтона, ин тӯҳфа ба мо расид ва мо аз Ҷаноби Олӣ барои кӯмакашон минатдорем. Аз тарафи дигар ғамхории эшон буд, ки сарпарастони дастаи мо пайдо шуданд ва мо ваъда медиҳем, ки бо бозии хуб дастаро соҳиби унвони чемпионӣ мегардонем».Маъракаи расмии супоридани автобуси тамғаи HSZ6106 «Hunan Hengshan Qiche Zhizao» аз ҷониби президенти кишвар Эмомалӣ Раҳмон рӯзи 27 май пеш аз вохӯрии «Равшан» бо «Парвоз» сурат мегирад.