Тағйироти кадрӣ дар Кумитаи телевизион ва радиои назди Ҳукумати Ҷумҳурии Тоҷикистон

Душанбе, 10 май. (АМИТ «Ховар» , Лутфия Эшонқулова).- Имрӯз бо фармони раиси Кумитаи телевизион ва радиои назди Ҳукумати Ҷумҳурии Тоҷикистон Носир Саидов ба вазифаи директори студияи синамои «Тоҷикфилм» таъин гардид. Ёдовар мешавем, ки Носир Саидов то ин муддат ба сифати таҳиягар ва продюссер дар шабакаҳои телевизионии ҷумҳурӣ фаъолият мекард.Носир Саидов узви Иттифоқи синамогарони Тоҷикистон, яке аз коргардонҳои маъруфи тоҷик буда, дар таҳияи ӯ филмҳои зиёд рӯи навор омадаанд. Машҳуртарин филми ӯ, ки соҳиби чандин ҷоизаҳои байналмилалӣ гардид, «Қиёми рӯз» мебошад. Имрӯз ҳамчунин бо фармони раиси Кумитаи телевизион ва радиои назди Ҳукумати Ҷумҳурии Тоҷикистон Давлат Сафаров ба вазифаи директори генералии Муассисаи давлатии кино ва видеои «Тоҷиккино» таъин гардид.Давлат Сафаров 6 сол инҷониб ба ҳайси муовини аввали директори Шабакаи аввали Кумитаи телевbзион ва радиои назди Ҳукумати ҶТ фаъолият кардааст.