Тантанаи иди Ғалаба дар Хуҷанд

Май 10, 2012 09:49

Душанбе, 10 май. (АМИТ «Ховар», Бекназари Абӯбакр). — 9 май дар майдони Кохи ёдгорӣ ба шаҳидони Ҷанги Бузурги Ватании маркази вилояти Суғд — Хуҷанд бо иштироки собиқадорони Ҷанги Бузурги Ватанӣ, роҳбарияти шаҳри Хуҷанд ва роҳбарони сохторҳои мақомоти иҷроияи ҳокимияти давлатии шаҳр ҷамъомади идона бахшида ба 67-умин солгарди Ғалабаи халқи шӯравӣ бар Германияи фашистӣ баргузор шуд.Раиси шаҳри Хуҷанд ҳамроҳ бо муовини раиси вилоят Мубинҷон Қаюмов, роҳбарияти Шӯрои собиқадорони ҷангу меҳнати шаҳр нахуст ба пояи марқади ёдгорӣ гулчамбар гузошта, бо лаҳзае сукут хотири шаҳидони Ватанро пос доштанд. Дар маърӯзаи идонаи раиси шаҳри Хуҷанд Раҷаббой Каримов корнамоиҳои бемислу монанди халқи тоҷик, аз ҷумла хуҷандиён дар фронтҳои Ҷанги Бузурги Ватанӣ зикр ёфтанд. Роҳбари шаҳр афзуд, ки танҳо дар оғози ҷанг бештар аз 200 нафар сокинони шаҳр барои ихтиёрӣ ба фронт, ба ҳимояи Ватан рафтан ариза доданд. Дар ҳифзи Ватан аз дасти адӯ 10971 хуҷандиён ширкат карданд, ки чаҳоряки аҳолии маркази вилоятро ташкил медод. Дар ин бора ба АМИТ «Ховар» аз маркази таҳлил ва иттилооти мақомоти иҷроияи ҳокимияти давлатии шаҳри Хуҷанд иттилоъ доданд.

Май 10, 2012 09:49

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд