Тарғиби гӯштини юнонию румӣ миёни ҷавонон

Душанбе, 28 май. (АМИТ «Ховар», Фирӯза Давлатова)- Аз 23 то 24 июни соли 2012 дар толори «Ҷашнӣ»-и шаҳри Чкалови вилояти Суғд мусобиқаи ҷумҳуривӣ доир ба гӯштини юнонию румӣ байни ҷавонони солҳои таваллуди 1992-1994 бо мақсади равнақи гӯштини юнонию румӣ гузаронида мешавад. Дар мусобиқа варзишгарон дар вазнҳои аз 50 то 120 кг ширкат меварзанд.Ҳайати даста аз 8 варзишгар, 1 мураббӣ, 1 довар, ҷамъ 10 нафар иборат аст.Дар мусобиқа варзишгарон аз вилояти Суғд, Хатлон, шаҳри Душанбе байни ҳам рақобат хоҳанд кард.Ёдовар бояд шуд, ки дастаҳое, ки ҷойҳои 1, 2 ва 3-юмро ишғол мекунанд, бо медал ва дипломҳои таъсиснамудаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон қадрдонӣ мешаванд.