Таъсиси гурўҳи корӣ дар парлумон

Душанбе, 28 май.(АМИТ «Ховар», Марзия Саидова).- Дар палатаи поёнии парлумони ҷумҳурӣ гурўҳи корӣ ҷиҳати таҳияи лоиҳаи Қонуни Ҷумҳурии Тоҷикистон «Дар бораи минтақаҳои кӯҳии Ҷумҳурии Тоҷикистон» таъсис дода шуд, ки сарварии он ба ўҳдаи Саид Ёқубзод, раиси Кумитаи Маҷлиси намояндагон доир ба масъалаҳои аграрӣ ва экология вогузор шудааст. Масъалаи мазкур 28 май дар ҷаласаи Шўрои Маҷлиси намояндагон, ки дар ҳузури Шукурҷон Зуҳуров, раиси Маҷлиси намояндагони Маҷлиси Олии ҷумҳурӣ доир гардид, матраҳ шуд. Дар ҷаласаи Шўро ҳамзамон масъалаҳои ворид намудани тағйироту иловаҳо ба Кодексҳои ҷиноятӣ, гражданӣ ва гумруки Ҷумҳурии Тоҷикистон, ворид намудани тағйиру иловаҳо ба лоиҳаи Қонунҳои Ҷумҳурии Тоҷикистон «Дар бораи байторӣ», «Дар бораи захираи моддии давлатӣ» ва « Дар бораи милитсия» баррасӣ шуданд.