Татбиқи 50 лоиҳа дар Тоҷикистон

Душанбе, 3 май. (АМИТ «Ховар», Лаззат Диловарзод).- Бино ба иттилои маркази матбуоти Кумитаи давлатии сармоягузорӣ ва идораи амволи давлатӣ, дар ҷумҳурӣ 50 лоиҳаи сармоягузорӣ татбиқ мегардад, аз ҷумла 21 лоиҳаи қарзии сармоягузорӣ, 24 лоиҳаи бурсӣ ва ҳамчунин 15 лоиҳа аз ҳисоби қарзҳо ва кӯмакҳои бебозгашт дар роҳи амалишавӣ қарор доранд.Ба иттилои манбаъ, дар семоҳаи аввали соли ҷорӣ боз як лоиҳаи сармоягузории давлатӣ оғоз гардид. Дар маҷмӯъ татбиқи лоиҳаҳои амалкунанда аз ҳисоби 19 манбаъ сармоягузорӣ мегарданд.Танҳо дар моҳҳои январ – марти соли ҷорӣ ҳаҷми азхудкунии лоиҳаҳои давлатии сармоягузорӣ ба маблағи 192 млн. сомонӣ, ки муодили 40 млн. доллари амрикоӣ мебошад, амалӣ гардид.Бонки сармоягузории Тоҷикистон дорои 60 лоиҳаи давлатӣ буда, маблағи умумии он 9,2 млрд. сомониро ташкил медиҳад.