Тибби муосир ва дурнамои рушди он

Май 18, 2012 16:06

Душанбе, 18 май. (АМИТ «Ховар», Раъно Нусратуллоева).-Имрӯз дар Донишгоҳи давлатии тиббии Тоҷикистон ба номи Абӯалӣ ибни Сино бахшида ба 90-солагии зодрӯзи олими намоёни тибби муосири тоҷик, доктори илмҳои тиб, профессор Саттор Раҳимов, ки беш аз 25 соли ҳаёти худро ба рушди илми ҷарроҳии муосири тоҷик ва тарбияи мутахассисони ин соҳа сарф намудааст, конфронси солонаи илмию амалии олимони ҷавон дар мавзӯи «Тибби муосир дар Тоҷикистон: мушкилот, дастовард ва дурнамои рушди он» баргузор гардид.Профессор Саттор Раҳимов муассиси шӯъбаи бемориҳои сӯхтагӣ (ҳоло Маркази ҷумҳуриявии бемориҳои сӯхтагӣ) мебошад. Ӯ дар мавзӯи «Тағйироти функсионалӣ ва морфологии ҷигар ҳангоми баъзе бемориҳои ҷарроҳиталаб» рисолаи номзадӣ ва рисолаи докториро дар мавзӯи «Садамоти осебӣ ва талафоти шадиди хун дар шароити баландкӯҳ» дифоъ намуда, муаллифи зиёда аз 60 таълифоти илмӣ мебошад.Конфронси имрӯзаи мо низ далели он аст, ки масъалаҳои мубрами тибби муосир диққати олимону донишҷӯёни донишгоҳи моро беш аз пеш ба худ ҷалб менамояд, — зикр намуд дар сухани ифтитоҳии худ ректори Донишгоҳи давлатии тиббии Тоҷикистон ба номи Абӯалӣ ибни Сино Убайдулло Қурбонов. Дар кори конфронс 10 нафар олими ҷавон ва донишҷӯёни хориҷи кишвар аз Федератсияи Русия, Қирғизистон ва Қазоқистон иштирок доштанд. Корҳои бузурги Саттор Раҳимовро имрӯз шогирдони болаёқати он кас ва олимони ҷавону донишҷӯёни соҳибистеъдоди донишгоҳ бомуваффақият идома медиҳанд. Конфронси имрӯза ба масъалаҳои мубрами тибби муосир бахшида шуда буд.

Май 18, 2012 16:06

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд