Тими мунтахаби футзали Тоҷикистон ба чемпионати Осиё меравад
Душанбе, 15 май. ( АМИТ «Ховар», Аловиддин Бӯриев).- Вохӯрии таҷрибавӣ ва ё дӯстонае, ки миёни дастаҳои мунтахаби футзали Тоҷикистон бо Амороти Муттаҳидаи Араб ва Куриёи Ҷанубӣ дар Амороти Мутаҳидаи Араб баргузор мешавад, ҳамчун давраи омодагӣ ба чемпионати футзали Осиё, ки аз 25 май то 1 июн дар ин кишвар хоҳад гузашт, маънидод мешавад. Футболбозони тоҷик аз 17-ум то 24 –уми май давраи омодагиро ба ин чемпионат дар Дубай паси сар хоҳанд кард. Роҳбарони даста Дамир Камолиддинов ва Шавкат Сатторов ба ин урдугоҳ 13 бозингарро бо худ мебаранд, ки миёни онҳо 7 бозингар аз дастахои Лигаи олии чемпионати мамлакат, аз ҷумла Хуршед Махмудов аз «Регар-ТадАЗ», Алишер Ӯлмасов, Обидҷон Исмоилов аз тими «Хайр», Аҳтам Назаров аз дастаи «Энергетик», Фатҳулло Фатҳуллоев аз тии «Истиқлол», Орзу Додхудоев аз дастаи ССКА «Помир» ва Фирдавс Файзуллоев аз тими «Вахш» мебошанд. Тими футзали Тоҷикистон дар гурӯҳи «В» ҳамроҳ бо дастаҳои мунтахаби футзали Ҷопон, Тайван ва Лубнон барои роҳхат ба даври чаҳорякфиналӣ мубориза мебарад. Дастаи Тоҷикистон рӯзи 25 май бо дастаи Тайван, 26 май бо тими Ҷопон ва 27 май дастаи бо Лубнон қувва меозмояд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






