Тоҷикистон берун аз бозиҳои ¼ финалӣ

Душанбе, 28 май. ( АМИТ «Ховар», Аловиддин Бӯриев).- Дар Амороти Муттаҳидаи Араб бозиҳои гурӯҳии чемпионати футзали Осиё ба анҷом расид. Мутаассифона, тими мунтахаби Тоҷикистон бо ду бохти охир аз дастаҳои мунтахаби Ҷопон бо натиҷаи 6 бар 1 ва Лубнон 2 бар 1 аз идомаи бозиҳо дар ¼ финал берун монд. Аз гурӯҳи «В» Ҷопон ва Лубнон муборизаро барои пирӯзӣ идома медиҳанд. Аз гурӯҳи «А» дастаҳои Таиланд ва Қирғизистон, аз гурӯҳи «С» Эрон ва Австралия ва аз гурӯҳи «Д» Кувайт ва Ӯзбекистон барои унвони чемпионӣ ширкат меварзанд. Пагоҳ Таиланд бо Лубнон, Эрон бо Ӯзбекистон, Ҷопон бо Қирғизистон ва Кувайт бо Австралия вориди майдон мешаванд.