Топинамбур дар Данғара
Кӯлоб, 12 май. (АМИТ «Ховар», С.Холов). – Кооперативи истеҳсолии «Фароз» дар ноҳияи Данғара навташкил буда, дар тавозуни хеш 50 гектар замини корами обӣ дорад. Соли ҷорӣ аз вилояти Краснодари Федератсияи Русия тухмии растании топинамбур хариданд, ки дар айни замон коркарди байни қаторҳои он идома дорад. Топинамбур растаниест, ки аз беху навдаҳои он истифода бурдан мумкин аст. Бехи он аслан ба картошка монанд буда, дар пухтани хӯрок истифода мешавад ва сафедаи зиёд дорад, навдаҳояш ба растании офтобпараст шабоҳат дорад ва хеле серғизо мебошад, ки ба чорво ва паррандагон дода мешавад.Топинамбур ба ҳама гуна иқлим мусоид буда, кишту парвариши он дар қитъаҳои обҳои зеризаминиаш баланд, талу теппаҳо ва ҳатто замини лалмӣ имкон дорад. Бехи топинамбур ба картошка шабоҳат дошта, маззаи нокро дорад ва дар тибб барои табобати бисёр бемориҳо истифода мешавад. Фақат аз бехи ин растанӣ беш аз 120 намуд дору тайёр мекунанд. Афзалияти дигари топинамбур он аст, ки дар соҳаи саноат аз навдааш ҳосил кардани сӯзишворӣ имкон дорад. Ҷумҳурии мо, ки аз ҷиҳати норасоии сӯзишворӣ танқисӣ мекашад, дар оянда васеъ намудани майдони кишти ин зироат ба пайдоиши корхонаҳои нав ва истеҳсоли сӯзишвории аз ҷиҳати экологӣ тоза ва арзон мусоидат хоҳад кард. Топинамбур аслан растании бисёрсола мебошад ва то панҷ сол ҳосили фаровон дода метавонад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






