Вижагиҳои забони русӣ дар Душанбе баррасӣ мегардад

Май 25, 2012 12:01

Душанбе, 25 май.(АМИТ «Ховар», Марзия Саидова).-«Вижагиҳои ташаккули фарҳанги муошират ва сухангўии хонандагони муассисаҳои таълимӣ аз забони русӣ» фардо зимни баргузории конфронси байналмилалии илмию амалӣ дар Душанбе матраҳ мегардад. Дар ин хусус ба АМИТ «Ховар» Маҳмудхон Шоев, масъули бахши матбуоти Вазорати маорифи ҷумҳурӣ иттилоъ дод. Конфронс бо иқдоми Вазорати маорифи ҷумҳурӣ ва Академияи таҳсилоти Тоҷикистон созмон дода шуда, ҳадафаш такмили омўзиши забони русӣ дар муассисаҳои таълимии Тоҷикистон, ташаккули дузабонии миллӣ ва русӣ, мусоидат ба робитаҳои забонҳо ва тамаддунҳо, дарёфти роҳу усули самараноки баланд бардоштани фарҳанги сухангўӣ, дурнамои фаъолият дар самти инкишофи малакаҳои муоширати муҳассилин мебошад. «Мо ният дорем зимни баргузории конфронс роҳу усулҳои инноватсионии таълими забони русиро дар муассисаҳои таълимии Тоҷикистон мавриди баррасӣ қарор диҳем», мегўяд Ирина Каримова президенти Академияи таҳсилоти Тоҷикистон. Мавсуф афзуд, ки дар ҷараёни конфронс масъалаҳои робитаи забон ва фарҳанг дар ташаккули одоби муошират ва сухангўии муҳассилин, омўзиши муқоисаваии забонҳо ҳамчун заминаи лингвистии таълими забони русӣ дар мактабҳои тоҷикӣ, ташаккули ҳавасмандгардонии муҳассилин ба омўзиши забони русӣ чун воситаи муоширати байналмилалӣ муҳокима мешаванд. Дар конфронс иштироки олимону муҳаққиқони шинохта, омўзгорону мутахассисони варзидаи муассисаҳои таълимии Тоҷикистон ва соири кишварҳои хориҷӣ дар назар аст.

Май 25, 2012 12:01

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд