ВКХ аз пардохти 15% маблағ озод шуд
Душанбе, 16 май.(АМИТ «Ховар», Марзия Саидова).- Вазорати корҳои хориҷии /ВКХ/ Ҷумҳурии Тоҷикистон аз пардохти 15 %-и маблағҳои барзиёди даромад нисбат ба хароҷот ва буҷет, ки 4 миллион сомониро ташкил медиҳад, озод карда шуд. Маблағи мазкур барои сохтмони бинои нави маъмурии ВКХ равона мешавад. Вобаста ба ин масъала вакилони палатаи поёнии парлумони мамлакат дар ҷаласаи навбатии иҷлосияи сеюми Маҷлиси намояндагон ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012» иловаҳо ворид намуданд. Рўҳуллоҳ Ҳакимов, муовини вазири молияи ҷумҳурӣ зимни тавзеҳи масъала гуфт, ки ин пешниҳод бо назардошти аз ҷониби ВКХ ҷумҳурӣ идома ёфтани корҳои сохтмонии бинои нави маъмурии вазорат аз сўи Ҳукумат ба парлумон ироа гардидааст, ки ҳадафи он сарфаи маблағҳои махсуси воридшаванда ва равона намудани онҳо ҷиҳати сохтмони бинои нави ВКХ аст. Мавсуф афзуд, ки тибқи нақшаҳои хатҳои берунӣ ва сохтмони бинои маъмурии ВКХ дар соли 2012 хароҷоти 36, 8 миллион сомонӣ ба нақша гирифта шудааст, ки тақрибан 26 миллион сомонии он барои таъмини бино бо таҷҳизоту маҳсулоти сохтмонӣ, барои кору хизматрасонӣ равона мегардад. ВКХ дар доираи нақшаҳои тасдиқшудаи маблағҳои махсус ва фонди муввақатӣ танҳо имконияти пардохти 22 миллион сомониро дорад ва маблағи боқимонда дар ҳаҷми 14, 8 миллион сомонӣ бояд аз ҳисоби ҷамъи сармояи хориҷӣ ва дигар манбаъҳо таъмин шавад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






