Вохӯрӣ бо вазири корҳои дохилӣ

Душанбе, 23 май. (АМИТ «Ховар», Лутфия Эшонқулова). – Ҷанговарони гурӯҳи махсуси зудамали Раёсати мубориза бо ҷиноятҳои муташаккили Вазорати корҳои дохилӣ дар ҷараёни вохӯрии вазири корҳои дохилӣ Рамазон Раҳимов бо роҳбарият ва ҳайати шахсии Раёсати мубориза бо ҷиноятҳои муташаккили ВКД ҷумҳурӣ малакаҳои ҷанги тан ба тан, безарар гардонидани гурӯҳҳои террористӣ, мубориза бо ҷиноятҳои муташаккили вобаста бо гардиши ғайриқонунии маводи нашъаоварро намоиш доданд.Мувофиқи хабари сомонаи расмии ВКД ҶТ, Рамазон Раҳимов зимни суханрониаш изҳор дошт, ки гурӯҳи махсуси зудамали Раёсати мубориза бо ҷиноятҳои муташаккил дар системаи ВКД мақоми аввалро касб намуда, зидди ҷинояткориҳо ба таври шоиста мубориза мебарад.