Як қадам ба сӯи Ҷоми президенти АФК

Душанбе, 11 май. ( АМИТ «Ховар», Аловиддин Бӯриев).- Ду ғалабаи чемпиони Тоҷикистон- “Истиқлол”-и Душанбе дар Варзишгоҳи марказии ҷумҳуриявии пойтахт дар бозиҳои интихобии гурӯҳи “С” -и Ҷоми президенти конфедератсияи футболи Осиё бар чемпионҳои Фаластин “Ал-Аммарӣ”(1:0) ва Туркманистон “Балкан” (2:1) ба дили мухлисонаш орзуи ба даст овардани ҷомро бештар кард. Новобаста ба сифати на он қадар баланди бозӣ футболбозони мо тавонистанд бартарии худро нисбат ба ҳарифонашон нишон диҳанд. Ба ғайр аз дастаи “Истиқлол” ва “Ал-Аммарӣ” аз гурӯҳи “Б” чемпионҳои Қирғизистон: “Дордой” ва Кабодия “Пном Пенҳ Кроун” ба бозиҳои финалӣ роҳхат гирифтанд. Ғолиби гурӯҳи “А” пагоҳ маълум хоҳад шуд. Алҳол “Тайван Павер Компани” аз ин гурӯҳ ба бозии ниҳоӣ роҳ ёфтааст.