Як қадам то роҳхати олимпӣ
Душанбе, 15 май. ( АМИТ «Ховар», Аловиддин Бӯриев).- Мавзуна Чориева дар рақобати дуввуми худ дар чемпионати ҷахон доир ба бокс, ки дар кишвари Чин идома дорад, ба сӯи роҳхати олимпӣ боз як қадами устувор гузошт. Дар вазни то 60 кг ӯ бар ҳарифи худ Каролина Яршевич аз Лаҳистон бо натиҷаи 20 бар 10 пирӯз шуда ба даври навбатӣ гузашт. Рақиби навбатиаш Антонина Шевченко аз Қирғизистон мебошад. Ду нафар шарики ӯ дар ин мусобиқа: Матлуба Каримова дар вазни то 48 кг ва Светлана Веглина дар вазни то 51 кг аз ҳарифони худ мағлуб шуда, аз мубориза барои роҳхати олимпӣ берун шуданд. Алҳол дар соири рақобатҳо бонувони боксчии Русия пешқадаманд.