Ёде аз варзишгари номӣ

Хоруғ, 7 май. (АМИТ «Ховар», Л.Додо ). – Бо ибтикори мақомоти маҳаллии ҳокимияти давлатии шаҳр, Раёсати ҷавонон, варзиш ва сайёҳии вилоят ва сокинони маҳаллаи Хичордеви шаҳри Хоруғ мусобиқаи дуюми вилоятӣ аз рӯи гӯштини тарзи озод ба хотири гиромидошти яке аз варзишгарони беҳтарини вилоят шодравон Варқа Гулмамадов баргузор гардид. Варқа Гулмамадов дар даврони шӯравӣ шарафи вилоятро дар мусобиқаҳои ҷумҳуриявӣ аз рӯи намудҳои баскетбол, гӯштини тарзи озод ва самбо баланд бардошта буд. Дар мусобиқа беш аз 270 нафар наврасону ҷавонон, калонсолон ва чанд тан аз паҳлавонони шаҳри Душанбе низ иштирок намуданд.Мусобиқа се рӯз давом карда, дар ҷараёни он Гавҳар Устодаков, Назарбек Муродбеков, Тӯронзодаи Далер ва Салам Имомназаров маҳорати баланд нишон дода, бо медалҳои дорои акси шодравон В.Гулмамадов ва ифтихорномаву мукофотҳои пулӣ қадр карда шуданд.