«Юсуфи гумгашта боз ояд ба Канъон»
Душанбе, 24 май. (АМИТ «Ховар», Мавҷуда Анварӣ). – 29 майи соли ҷорӣ, соати 10 дар бинои Театри давлатии таҷрибавии тамошобини ҷавон ба номи М. Қосимов барномаи корҳои дипломии шӯъбаи актёрии Донишкадаи давлатии санъати Тоҷикистон ба номи Мирзо Турсунзода баргузор мегардад. Дар барнома драмаи Ф. Ансорӣ «Имтиҳон» ба тамошобинон тақдим мешавад, ки коргардони он Ҳунарпешаи шоистаи Ҷумҳурии Тоҷикистон Сабоҳатхон Қосимова мебошад.Ҳамчунин 31 майи соли ҷорӣ, соати 10 намоишномаи «Юсуфи гумгашта боз ояд ба Канъон», ки аз рӯи ашъори Абдураҳмони Ҷомӣ, Ҷалолиддини Румӣ, Шайх Аттор ва Ҳофизи Шерозӣ ба саҳна гузошта шудааст ва онро ба сифати мусанниф ва коргардон Ҳунарманди мардумии Ҷумҳурии Тоҷикистон шодравон Фаррухи Қосим таҳия намуда буд, манзури тамощобинон мегардад.Нақши Шайх Яъқубро Фирдавс Қосимов, Юсуфро Аъзам Андамбеков, Зулайхоро Шарифа Партовиева ва нақши ДевонароАрдашер Маҳмудов бозидаанд. Барномаҳо бо ташаббуси Раёсати Донишкадаи давлатии санъати Тоҷикистон ба номи Мирзо Турсунзода роҳандозӣ шудаанд.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
