Замини сархӯр дар вилояти Хатлон
Душанбе, 25 май. (АМИТ «Ховар», Лаззат Диловарзод).- Бино ба иттилои маркази матбуоти Раёсати Агентии назорати давлатии молиявӣ ва мубориза бо коррупсияи вилояти Хатлон, танҳо зимни санҷиши фаъолияти молиявию хоҷагидорӣ дар корхонаю ташкилот, субъектҳои хоҷагидории давлатӣ дар минтақаи Қӯрғонтеппа аз ҷониби кормандони раёсати агентии мазкур 70 ҷинояти коррупсионӣ ошкор шудааст. Дар моҳҳои январ-апрели соли ҷорӣ аз ҷониби кормандони ин ниҳоди давлатӣ, ҳамчунин дар минтақаи Кӯлоб 33 ҷинояти коррупсионӣ дар бобати хариду фурӯши ғайриқонунии замин ба қайд гирифта шудааст. Санҷиш муайян намуд, ки дар ин ду минтақаи вилояти Хатлон ба давлат ба маблағи 3 млн. 305 ҳазор сомонӣ зарари молиявӣ расонида шудааст. Кормандони Раёсати Агентии назорати давлатии молиявӣ ва мубориза бо коррупсияи вилоят тавонистанд зарари молиявиро ба маблағи 2 млн. 553 ҳазор сомонӣ барқарор намоянд. Дар 20 ҳолати қонуншиканӣ 18 нафар масъули мақомоти иҷроияи ҳокимияти давлатии шаҳру навоҳии вилояти Хатлон даст ба ҷиноят задаанд, ки асосан хариду фурӯши замин аст. Масъулини мақомоти ҳокимияти давлатӣ бо вуҷуди он ки медонанд замин моликияти истисноии давлатӣ буда, хриду фурӯш карда намешавад, ба ҳар навъ аз роҳи таъмаҷӯӣ ба хариду фурӯши он даст мезананд. Оқибати ин қонуншиканиҳо ба он оварда расонид, ки нисбати 18 нафар корманди мақомоти иҷроияи ҳокимияти давлатии шаҳру навоҳии вилояти Хатлон парвандаи ҷиноӣ кушода шавад. Бо сабаби чунин қонуншиканиҳо дар байни мардум ибораи «замини сархӯр» хеле маъмул шудааст. Тафтишотро нисбат ба ҳамаи ин қонуншиканиҳо кормандони Раёсати Агентии назорати давлатӣ ва мубориза бо коррупсияи вилоят мебаранд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






