Қонуни 5 сола- кафолати зиндагии шоиста
Душанбе, 21 июн. (АМИТ «Ховар»,Фирӯза Давлатова). – Дар шаҳри Хоруғ семинармашварат бахшида ба панҷ солагии амали Қонуни танзими анъана ва ҷашну маросимҳо баргузор гардид. Дар семинармашварат ваколатдорони соҳаи дин, комиссияҳои ҷамъиятии танзими анъана ва ҷашну маросимҳои ВМКБ, кормандони мақомоти ҳифзи ҳуқуқ, раисони маҳаллаҳо ва зиёда аз 300 нафар шахсони масъул иштирок намудаанд.Дар ҷараёни семинар иштирокдорон доир ба аҳамияти нақши қонуни мазкур дар баланд бардоштани сатҳи зиндагӣ мардум ва сарфа намудани буҷаи оила андешаронӣ намуданд.Дар ҷамъбаст бо ташаббуси Кумита ба ҳашт нафар кормандони соҳа ва ташкилотҳое, ки дар амали ин Қонун саҳм гузоштаанд бо ифтихорнома қадрдонӣ шудаанд.