Қонуни танзими расму оин ба низом медарояд

Душанбе, 19 июн. (АМИТ «Ховар», Лаззат Диловарзод).- Тибқи маълумоти омори Раёсати танзими Кумитаи оид ба корҳои дин, дар давоми 5 соли қабули қонуни танзими расму оин, наздик ба 2,5 млрд. сомонӣ маблағ сарфа ва ба пасандози аҳолӣ дар бонкҳо дохил шудааст. Дар давоми 5 соли баъди амали қонун 600 ҳазор сар чорво камтар забҳ шуд. Шумораи ҷуфти издивоҷи навхонадорон аз 55 ҳазор нафари дар соли 2006 ба қайд гирифташуда, дар соли 2011 ба 100 ҳазор нафар расид, ки ин худ бозгӯи татбиқи бомуваффақияти натиҷаи қабули қонуни танзими расму оин дар ҳаёт мебошад.