Ҳамкории Лаҳистон бо минтақаҳои Тоҷикистон рушд меёбад
Душанбе, 25 июн. (АМИТ «Ховар», Покиза Маҳмадбекова). – Бо ибтикори Палатаи савдо ва саноати Тоҷикистон ва Минтақаи озоди иқтисодии (МОИ) «Данғара» дар Ҳукумати ноҳияи Данғара мулоқоти соҳибкорони вилояти Хатлон бо намояндагони Сафорати Лаҳистон баргузор гардид.Тавре ки аз Палатаи савдо ва саноати ҷумҳурӣ ба АМИТ «Ховар» хабар доданд, мақсад аз мулоқот бо иқтисод ва имкониятҳои инвеститсионии Лаҳистон шинос кардани тоҷирон, ҳамчунин муҳокимаи масъалаҳои ҳамкории мутақобилан муфиди тиҷоратию иқтисодӣ ва пайдо намудани ҳамкорон буд. Зимни мулоқот муовини раиси ПСС ҷумҳурӣ Лариса Кислякова иброз дошт, ки моҳи ноябри соли гузашта гурӯҳи калони соҳибкорони Лаҳистон аз Тоҷикистон, аз ҷумла аз Минтақаи озоди иқтисодии «Данғара» дидан кард. Дар натиҷаи мулоқотҳои пешина бо баъзе ширкатҳои Лаҳистон муносибатҳои ҳамкорӣ роҳандозӣ шуда буданд. Ҳоло бо иштироки Палатаи савдо ва саноат бобати ҷалби инвесторҳои Лаҳистон ба Минтақаи озоди иқтисодии «Данғара» ҷиҳати беҳсозии инфрасохтор ва бунёди корхонаи қанд гуфтушунид анҷом дода мешавад. Мушовири Сафорати Лаҳистон дар Тоҷикистон Славомир Стшалковски ҳозиронро бо имкониятҳои ҳамкорӣ бо Лаҳистон ва қарзҳое, ки Ҳукумати Лаҳистон барои дастгирии тоҷирони маҳаллӣ ва имкониятҳои қарзгирӣ ихтисос медиҳад, шинос намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






