Ҳамоиши бузурги доираҳои тиҷоратӣ

Душанбе, 5 июн.(АМИТ «Ховар», Марзия Саидова).-Нимаи аввали моҳи сентябри соли равон дар маркази маъмурии вилояти мухтори Шинҷону Уйғури Чин-Урумчӣ ҳамоиши дуюми тавсеаи ҳамкориҳо дар рушди иқтисоди кишварҳои Осиёю Аврупо баргузор мегардад, ки ҳадафаш густариши робитаҳои иқтисодию тиҷоратӣ ва дарёфти шарикони боэътимоди ҳамкор дар бахши муносибатҳои иқтисодист. Ин чорабинӣ дар доираи баргузории намоишгоҳи «ЭКСПО –Чин-АвруОсиё» доир шуда, дар он намояндагон ва доираҳои тиҷоратии кишварҳои АвруОсиё, аз ҷумла Тоҷикистон ширкат намуда, масъалаҳои марбут ба тақвияти равобити иқтисодиро матраҳ менамоянд. Интизор меравад, ки иштирокдорони ҳамоиш аз минтақаҳои озоди иқтисодии Чин, хусусан Қошғар боздид намуда, дар мавриди дастёбӣ ба пешрафти тиҷорат ва роҳҳои такмили фаъолият табодули назару таҷриба хоҳанд кард.