Ҳавои Рўзи ваҳдати миллӣ бебориш хоҳад буд
Душанбе, 25 июн.(АМИТ «Ховар», Марзия Саидова).-То 27 июн ҳаво дар ҷумҳурӣ ноустувор боқӣ монда, дар минтақаҳои кўҳии кишвар боронҳои шиддатнок меборад. Баъдан шурўъ аз 27 июн то 4 июл ҳарорати ҳаво ҳар рўз як дараҷа боло меравад. Парвина Саидҷамолова, мудири шўъбаи пешгўии боду ҳавои Муассисаи давлатии обуҳавошиносии ҷумҳурӣ иттилоъ дод, ки 27 июн дар ҷумҳурӣ эҳтимол аст ҳаво бебориш боқӣ монда, харорати ҳаво дар пойтахти кишвар-шаҳри Душанбе, ки маркази асосии таҷлили ҷашни 15-умин солгарди имзои Созишномаи умумии истиқрори сулҳ ва ризоияти миллист рўзона 28-30 ва шабона 18-20 дараҷа гарм мешавад. Дар вилояти Суғд рўзона 31-33 шабона 18-20, Хатлон рўзона 32-37 шабона 17-22 дар ноҳияҳои тобеи марказ бошад рўзона 27-33 шабона 15- 20 дараҷа гарм, дар Шарқи Вилояти Мухтори Кўҳистони Бадахшон рўзона 10-15 дараҷа гарм шабона 0-5 дараҷа сард, Дар Ғарби вилоят бошад рўзона 23-28 шабона 10-15 дараҷа гарм мешавад. Бояд тазаккур дод, ки тўли се рўзи охир- аз 23 июн инҷониб дар ҷумҳурӣ боронҳои пуршиддат борида ҳарорати ҳаво то 5 дараҷа паст фаромад, ки сабаби он ҳаракати фишори баланди атмосферӣ аз минтақаи уқёнуси Атлантика ба ҷумҳуриамон аст. Боронҳои шиддатноки рўзҳои охир ба бахши кишоварзии мамлакат зиён расонд, хусусан ба ҷамъоварии ҳосили зироатҳои саҳроӣ. Обуҳавошиносон мегўяд боридани боронҳои шиддатнок дар фасли тобистон, хусусан дар моҳи июни солҳои қаблӣ низ мушоҳида гардида буданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






