Ҳифзи бозори истеъмолӣ

Суғд, 25 июн. (АМИТ «Ховар», Мирзалӣ Амонов).-Давоми як моҳи охири фасли гармо қариб 200 ҳолатҳои вайрон кардани қоидаву талаботи санитарию гигиении истеҳсол, интиқол ва фурӯши маҳсулоти ғизоии зудвайроншавандаро кормандони маркази назорати давлатию санитарии эпедимологии вилояти Суғд ва шаҳру ноҳияҳои он тибқи амрномаи санитарии сардухтури давлатию санитарии эпедимологии мамлакат – ошкор карданд.Тавре гуфта мешавад, дар ин давра аз ҷониби кормандони марказ зиёда аз 1 тоннаю 300 килограмм маҳсулоти мӯҳлати истеъмолашон гузашта аз муомилот боздошт ва нобуд карда шудааст, ки баҳри амнияти бозори дохилӣ, эмин будан аз сирояту заҳролудшавии маводи ғизоии зудвайроншаванда дар фасли гармо мусоидат мекунад.