Ҷалби ширкатҳои бритониёӣ ба Тоҷикистон

Душанбе, 8 июн. (АМИТ «Ховар», Покиза Маҳмадбекова). — Масъалаҳои иқтисод ва тиҷорат, ҷалби ширкатҳои бритониёӣ ба соҳаҳои мухталиф, рушди соҳаи туризм имрӯз дар Вазорати рушди иқтисод ва савдои ҷумҳурӣ дар мулоқоти вазири рушди иқтисод ва савдо Шариф Раҳимзода ва сафири Британияи Кабир дар Ҷумҳурии Тоҷикистон Робин Орд-Смит мавриди баррасӣ қарор гирифтанд.  Аз хадамоти матбуоти вазорат ба мухбири АМИТ «Ховар» иттилоъ доданд, ки дар рафти мулоқот Робин Орд-Смит қайд намуд, ки ҳамчун сафир баҳри рушди муносибот дар соҳаҳои мухталиф бо Тоҷикистон аз тамоми имкониятҳои мавҷуда истифода хоҳад кард.