Ҷопон рушди маорифи ВМКБ – ро дастгирӣ мекунад
Душанбе, 5 июн. (АМИТ «Ховар», Пайрав Назаров). – Лоиҳаи барқарор намудани мактаби рақами 11 деҳаи Шаймаки ҷамоати Тӯхтамиши ноҳияи Мурғоб дар амал татбиқ гардид. Маблағи умумии сохтмони мактаб, ки онро ҳукумати Ҷопон ба таври ройгон додааст, 85 ҳазору 792 доллари ИМА – ро ташкил дод.Тавре ки аз Сафорати Ҷопон дар Тоҷикистон ба АМИТ «Ховар» хабар доданд, маросими ифтитоҳи бинои нави мактаб 9 июн баргузор гардида, дар он сафири Ҷопон дар Тоҷикистон Хироюки Имахаши, раиси ВМКБ Қодири Қосим ва шахсони дигари расмӣ иштирок менамоянд.Деҳаи Шаймаки ҷамоати Тӯхтамиш, ки дорои 730 нафар аҳолӣ мебошад, дар наздикии сарҳади Тоҷикистону Чин ва Тоҷикистону Афғонистон воқеъ аст. Қобили зикр аст, ки дар ин мактаб қариб 120 шогирд таҳсил намуда, нисфи онҳо шабро дар хобгоҳи воқеъ дар шафати мактаб рӯз мекунанд. Сабаб он аст, ки аҳолии ин деҳа ба чорводорӣ машғул буда, волидайни хонандагон бегоҳӣ аз чарогоҳҳо ба хонаҳояшон сари вақт баргашта наметавонанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






