Афғонҳо дар Тоҷикистон табобат мегиранд
Душанбе, 13 июн.(АМИТ «Ховар», Лаззат Диловарзод).- Ҳукумати Олмон барои бунёди як кӯпрук дар болои дарёи Панҷ ба Хазинаи Оғохон беш аз 3 млн. доллар маблағ ҷудо намудааст. Тавассути кӯпруки нав ноҳияи Шӯроободи минтақаи Кӯлоб бо вулусволии Хоҳони Афғонистон пайваст мешавад.Бино ба иттилои муовини раиси ноҳияи Шӯрообод Давлат Файзимадов, корҳои сохтмонӣ дар доираи нақша амалӣ мешаванд. Аллакай дар ду тарафи соҳили дарёи Панҷ роҳи мошин тахту ҳамвор гардида, сутунҳои такягоҳӣ cимбандӣ мешаванд. Дар назар аст, ки сохтмони кӯпруки 162 метра то моҳи ноябр анҷом ёбад. Тибқи тавофуқномаи миёни Тоҷикистону Афғонистон ҳосилшуда, шаҳрвандони вулусволии Хоҳон барои табобат ба ноҳияи Шӯрообод оварда мешаванд, зеро ин наздиктарин роҳи интиқоли беморони афғон барои гирифтани табобат аст.То имрӯз садҳо шаҳрванди вулусволии мазкур баъди гирифтани табобат дар ноҳияи Шӯрообод ва шаҳри Кӯлоб ба ватан баргаштаанд.«Дари ҳамаи муассисаҳои мо, аз ҷумла муассисаҳои табобатӣ барои шаҳрвандони Афғонистони ҳамсоя, ки нияти неки ҳамсоягиро риоя мекунанд, боз аст»,- иброз дошт муовини раиси ноҳия Д. Файзимадов.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
