Афзоиши маҳсулоти кишоварзӣ
Шаҳраки Сомониён, 4 июн.(АМИТ «Ховар», Ҳотам Рабиев).-Кишоварзони ноҳияи Рӯдакӣ то ин дам 150 тонна маҳсулоти барвақтӣ, аз ҷумла 63 тонна помидор, 24 тонна бодиринг истеҳсол намуда, дар пурнозу неъмат гардидани дастурхони аҳолии шаҳри Душанбе саҳм мегузоранд. Деҳқонони ноҳияи мазкур соли ҷорӣ дар масоҳати 320 гектар картошка кишт намуданд, ки ин нисбат ба соли гузашта 82 гектар зиёд аст. Тибқи иттилои муовини сардори раёсати кишоварзии ноҳия Абдуқодир Қурбонов нашъунамои картошка хуб буда, деҳқонон рӯзҳои наздик ба ҷамъоварии он шурӯъ менамоянд.