Алан Дзагоев беҳтарин бозингар
Душанбе, 13 июн. ( АМИТ «Ховар», Аловиддин Бӯриев).- Сомонаи маъруфи Goal.com нимҳимоятгари дастаи мунтахаби Русия Алан Дзагоевро беҳтарин футболбози ҳафта эълон кардааст. Дар он гуфта мешавад, ки Дзагоев яке аз бозингарони ҷавонест, ки метавонад беҳтарин бозингари ЕВРО -2012 гардад. Алан Дзагоев дар вохӯрӣ бо дастаи мунтахаби Чехия ба дарвозаи ҳариф ду гол ва ба дарвозаи дастаи мунтахаби Лаҳистон як гол задааст. Ғайр аз Дзагоев дар рӯйхати беҳтарин бозингарон Микаел Крон-Делӣ аз дастаи Дания, Марио Манҷукичи хорват, Димитрис Салпигидиси юнонӣ, Леонел Мессии аргентинагӣ, ки ба дарвозаи Бразилия се гол задааст ва Кейсуке Ҳондаи ҷопонӣ бо ҳамин миқдори голҳо, ки ба дарвозаи дастаи мунтахаби Урдун задааст, шомил шудаанд.