Аввалин пирӯзии «Гвардия» дар мавсими ҷорӣ

Душанбе, 4 июн. ( АМИТ «Ховар», Аловиддин Бӯриев).- Дар даври 9-уми бозиҳо дар Лигаи олии чемпионати мамлакат дастаи «Гвардия»-и Душанбе дар майдони худ «Ҳосилот» -ро бо натиҷаи 4 бар 2 шикаст дод. Ин аввалин ғалабаи даста дар соли равон аст. Аз ин пеш «Гвардия» дар 8 вохӯрӣ талхии бохтро чашида буд.Пешсафи мусобиқот «Регар- ТадАЗ» дар Турсунзода футболбозони «Истаравшан»-ро бо ҳисоби қотеи 5 бар 1 мағлуб кард. «Хуҷанд» низ дастаи «Зарафшон»-ро бо натиҷаи 5 бар 2 паси сар гузошт. Ҳамин тавр, шумораи холҳои пешсаф ба 22 адад расид. «Равшан»-и Кӯлоб бо 21 хол дар зинаи дуввум аст.