Аъзои палатаи болоӣ сабти ном мешаванд

Душанбе, 8 июн.(АМИТ «Ховар», Марзия Саидова).-14 июни соли равон дар шаҳри Душанбе иҷлосияи нўҳуми палатаи болоии парлумони мамлакат даъвати чорум баргузор мегардад. Тавре ки аз Маҷлиси миллии Маҷлиси Олии ҷумҳурӣ ба АМИТ «Ховар» иттилоъ доданд, аъзои палатаи болоии парлумони мамлакат рўзҳои 12 ва 13 июни соли равон аз соати 8.00 то 17.00 дар бинои Маҷлиси миллии Маҷлиси Олии Ҷумҳурии Тоҷикистон ба қайд гирифта мешаванд. Аъзои Маҷлиси миллӣ имкон доранд бо телефонҳои 10-42, 22-24, 221-81-28 ва 221-98-35 дар тамос бошанд. Интизор меравад, ки аъзои палатаи болоии парлумони Тоҷикистон Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон», Қонунҳои Ҷумҳурии Тоҷикистон «Дар бораи баҳисобгирии инфиродӣ дар низоми суғуртаи ҳатмии нафақавӣ», «Дар бораи амнияти нақлиётӣ», «Дар бораи ангишт» ва масъалаи ворид намудани тағйиру иловаҳо ба Кодекси мурофиавии граждании Ҷумҳурии Тоҷикистон ва Кодекси мурофиавии иқтисодии Ҷумҳурии Тоҷикистонро муҳокима ва ҷонибдорӣ хоҳанд кард.