Барномаҳои театрикунонидашуда дар Ҳамадонӣ

Кӯлоб, 28 июн. (АМИТ «Ховар», С.Холов). – Ҳунармандони шӯъбаи фарҳанги ноҳияи Ҳамадонӣ дар давоми шаш моҳи соли ҷорӣ чор барномаи театрикунонидашударо ба саҳна гузошта, дар майдончаи варзишӣ, боғи фарҳангӣ ва филармонияи ноҳия намоиш доданд, ки аз ҷониби тамошобинон хеле хуш пазируфта шуданд.Бинобар иттилои мудири шӯъбаи фарҳанги ноҳия Каримҷон Шарифов, барномаи театрикунонидашуда дар мавзӯи «Ватану ватандорӣ», «Фарзанд азиз, одобаш аз вай азизтар», «Риояи танзими расму оин» таҳия гардида, мардумро ба ватандӯстӣ, дӯстию рафоқат ва камхарҷ гузаронидани тӯю маросимҳо ҳидоят менамояд. Мавсуф зикр намуд, ки кормандони шӯъба тасмим гирифтаанд чунин барномаҳои театрикунонидашударо ба кишоварзони ноҳия дар бошишгоҳу ҷойи кориашон низ намоиш диҳанд.