Баррасии ҳамкориҳо бо GIZ

Душанбе, 12 июн. (АМИТ «Ховар», Покиза Маҳмадбекова). — Имрӯз дар Душанбе мулоқоти вазири рушди иқтисод ва савдои ҷумҳурӣ Шариф Раҳимзода бо директори минтақавии Ҷамъияти Олмон оид ба ҳамкориҳои байналмилалӣ (GIZ) дар Осиёи Марказӣ, хонум Элизабет Бехр доир гардид.  Аз хадамоти матбуоти вазорат ба мухбири АМИТ «Ховар» иттилоъ доданд, ки дар ҷараёни мулоқот хонум Элизабет Бехр атрофи нақшаю барномаҳо ва татбиқи лоиҳаҳо аз ҷониби созмони мазкур дар бахшҳои иқтисод ва тиҷорат, энергетика, рушди соҳаҳои воқеии иқтисод, омӯзиши таҷриба ва дигар самтҳои иқтисодию иҷтимоӣ мубодилаи афкор намуданд.