Бонки «Эсхата» тиҷорати хурду миёнаро маблағғузорӣ мекунад

Душанбе, 11 июн. (АМИТ «Ховар», Покиза Маҳмадбекова). – Ба қарибӣ дар ҳошияи барномаи маблағгузории тиҷорати хурду миёна дар намояндагии Бонки «Эсхата» воқеъ дар шаҳри Қӯрғонтеппа мулоқоти ҳарсолаи роҳбарияти бонк бо тоҷирони ҷумҳурӣ роҳандозӣ шуд.Дар ин чорабинӣ қариб 25 нафар соҳибкорони шаҳри Кӯрғонтеппа ширкат доштанд. Роҳбари Раёсати қарздиҳии бонк Носирҷон Орифов ҳозиронро бо усулҳои нави хидматрасонӣ, шартҳои қобили қабул ва дастрасии қарзҳо барои соҳибкорон шинос намуд. Аз рӯи натиҷаи вохӯрӣ мувофиқа шуд, ки барои рушди минбаъдаи муносибатҳо дар бахши қарздиҳӣ чунин вохӯриҳо зуд – зуд ташкил карда шаванд.